Үл хөдлөх хөрөнгө нь хүний амьдралын амьжиргааны эх үүсвэр, амьдрах гол хэрэгсэл болж байдгийнхаа хувьд өмч хөрөнгө, бизнесийн хэрэгсэл, хөрөнгө оруулалт болж байдаг билээ. Хүний хэрэгцээг хангах чадвар, байршил, хэрэглээний чанараасаа шалтгаалаад үл хөдлөх хөрөнгийн үнэ цэн тодорхойлогдож байдаг.
Манай улсад орон сууцны үнэ өсөхийн хажуугаар хадгаламжийн хүү өнгөрсөн жилүүдийнхтэй харьцуулахад багагүй хэмжээгээр буусан үзүүлэлттэй байгаа нь иргэдийг мөнгөө хадгалахын оронд орон сууц худалдан авахад ихээхэн нөлөөлж байна хэмээн үл хөдлөх хөрөнгө зуучлалын шинжээчид онцлоод буй.
Тухайлбал, 2022 оны хоёрдугаар сард орон сууцны үнэ өмнөх оны мөн үеэс 11.6 хувиар өссөн гэх үзүүлэлттэй байна. Энэ нь ганцхан жилийн дотор таны худалдаж авсан үл хөдлөхийн үнэ 11.6 хувиар өссөн гэсэн үг. Тэгвэл Монгол дахь томоохон арилжааны банкуудын хугацаатай хадгаламжийн хүү өнөөдөр дунджаар 7-8 хувьтай байгаа бол жижиг банкных дунджаар 10 хувь байна. Түүнчлэн манай улсад сүүлийн үед банкуудын хугацаагүй хадгаламжийн хүүг тэглэсэн, өндөр хүү амлахгүй, зээлийн хүүг урьдчилж өгөхгүй байх зэргээр иргэдийн санхүүг эрсдэлд оруулахуйц зохиуцуулалт хийгдээд буй. Иймд хүү багатай хадгаламжинд мөнгөө түгжилгүй, өдрөөс өдөрт өссөөр байх үл хөдлөх хөрөнгө худалдан авах нь илүү ухаалаг алхам бөгөөд хөрөнгө оруулалт хэлбэрт шилжиж байна гэсэн үг юм. Үл хөдлөх хөрөнгө нь эдийн засгийн ач холбогдол өндөртэй, ашиглалтын хугацаа их, зээлийн барьцааны гол эх үүсвэр болдог гээд дурдаад байвал давуу тал маш олонтой.
Хувьцаа, цахим мөнгөний тухайд бол манай улсын хувьд зах зээл жижиг, хууль эрх зүйн орчин дутмаг, эрсдэл өндөр, хүмүүсийн санхүүгийн боловсрол хомс гэх зэргээс шалтгаалаад зоригтойгоор хөрөнгө оруулалт хийж мөнгөө өсгөх хүмүүс ховор. Харин орон сууц, үл хөдлөх хөрөнгө худалдан авах нь хадгаламжтай харьцуулж болохуйц эрсдэл багатай хэрнээ үнээ алдахгүй, алдагдал төдийлөн байхгүй тул маш сайн хөрөнгө оруулалт болдог байна. Гэхдээ ямар орон сууц худалдан авах вэ гэдгээс мэдээж бүх зүйл шалтгаална.
Та хэрвээ хөрөнгө оруулалт байдлаар орон сууц худалдаж авахаар төлөвлөж байгаа бол тухайн хотхоны ерөнхий төлөвлөлт, байршлыг хамгийн түрүүнд судлах нь чухал. Төлөвлөлт, байршил сайтай хотхонд худалдаж авсан таны амины орон сууц, үл хөдлөх хөрөнгө нь ирээдүйд хамгийн үнэ цэнтэй хөрөнгө болж, үр хойчдоо өвлүүлэхүйц их өв болж чадах юм.
Тэгвэл дээрх зөвлөгөөний дагуу “Хан төгөл” амины орон сууцны хотхоны ерөнхий төлөвлөлтийг сонирхоод үзээрэй. Байршил, хотхоны төлөвлөлт, концепци нь бүхэлдээ энэ шаардлагыг хангаад зогсохгүй таны амьдралын баталгаа, нэрийн хуудас болохуйц өв хөрөнгө болох юм. Нүхт, Яармагийн чиглэлд сүндэрлэж буй хотхонуудыг дагаад томоохон худалдаа, үйлчилгээний төвүүд, сургууль, цэцэрлэг, оффисууд олноор байгуулагдсанаар тэр хавийн газрыг хотын төвтэй эн тэнцэхүйц үнэ цэнтэй болгож буй.
Түүнчлэн “Майдар” төсөл, аэро сити, хурдны зам зэрэг улсын шинж чанартай томоохон бүтээн байгуулалтын төслүүдийг дагаад барилга, үл хөдлөх хөрөнгийн үнэ улам өсөх зураглал гарсан нь энэ бүс нутгийг дагуул хот болгох ирээдүйн төлөвлөгөөтэй шууд холбоотой. Мөн дээрээс нь байгаль, ногоон байгууламж, эко орчныг дурдалгүй өнгөрч болохгүй. Иймээс ирээдүйдээ томоохон хөрөнгө оруулалт хийхээр төлөвлөж байгаа эрхэм Таны алдаж болохгүй сонголт бол “Хан төгөл” тансаг зэрэглэлийн амины орон сууцны хотхон байх болно.
Борлуулалтын алба: 7000-0007
ХУД, 4-р хороо, Нүхт Арцатын задгай
