Skip links

“ХАН ТӨГӨЛ ХОТХОН”-НЫ БЯЦХАН ОРШИН СУУГЧИД ИД ШИДИЙН ОРОН МЭТ ТОГЛООМЫН ЕРТӨНЦТЭЙ

Монголдоо хамгийн том хүүхдийн тоглоомын талбайг Улаанбаатар хотын шинэ суурьшлын бүс дэх тансаг зэрэглэлийн хаус хотхон “Хан төгөл хотхон” цогцлоож байна. Манай хотхоны бусад төслөөс ялгарах томоохон давуу талуудын нэг болох энэхүү цогц бүтээн байгуулалт нь олон улсын стандартад бүхий л талаар нийцсэн гэдгийг дуулгая. Бид тоглоомын талбайгаа таны энхрий үрсийн  аюулгүй байдал, тав тух, бие бялдрын хөгжил, эрүүл ахуйн шаардлагыг бүрэн хангасан тоглоомуудаар тоноглож, орчны тохижилтод дээд зэргээр анхааран ажиллаж байна.

Улаанбаатар хотын ихэнх хотхон, орон сууцны хорооллууд зай талбайн хомсдолоос шалтгаалан дундаа ганц тоглоомын талбайтай, хотхоны багачууд том, жижиггүй тэр л ганц талбайдаа тоглож, чөлөөт цагаа өнгөрүүлдэг. Энэ нь эсрэгээрээ хүүхдийн хувьд эрсдэл өндөртэй бүс болж хувирдаг. Учир нь бага насны хүүхэд том хүүхдүүдтэй нэг талбайд тоглохдоо бөмбөгөнд оногдох, дугуй, тэшүүрэнд дайруулах, том хүүхдийн тоглоомон дээрээс унаж бэртэх гээд маш олон эрсдэл бий болдог шүү дээ.

Тэгвэл манай хотхоны тоглоомын талбай хүүхдийн насны онцлогт тохируулан тоглох талбайг 4 хуваарилж, тоглоомуудаа ч яг л нас насанд нь тааруулан суурилуулахаар төлөвлөсөн учраас таны бяцхан хүүхэд зөвхөн өөрийнхөө нас чацуутангуудтай, өөрсдөдөө зориулсан тоглоомон дээр, аюулгүй, тайван тоглож наадах боломжийг бүрдүүлж байгаа юм. Жишээ нь, хоёр хүртэлх насныхан 80 см-ээс өндөргүй авирдаг тоглоом, 360°-аас бага өнцгөөр эргэх гулсуур зэрэг аюул багатай тоглоомуудаар тоглох бол 2-5 настнуудын хувьд тоглоомуудын өндөр, овор хэмжээ болон төрөл зүйл нэмэгдэж илүү хөгжилтэй, хүүхдийн гүйж харайх идэвхтэй хөдөлгөөнийг дэмжсэн болж өөрчлөгдөх жишээтэй. Харин 5-12 насны жаалууд дүүжин даажин, эргэдэг тавцан, дүүжин гулсуур гэх мэт бие бялдрын хөгжилд тустай тоглоомууд дээр тоглож болох нь ээ.

Хотхон доторх хотхон болсон энэхүү тоглоомын талбайгаа бид хүүхдийн оюун ухаан болон биеийн хөгжлийн судалгаа, мэргэжилтнүүдийн зөвлөгөөн дээр үндэслэн бүтээж байгаагаа онцолж байна. Мөн Хан-Уул дүүргийн хүн амын судалгаа болон манай хотхоныг ирж үзэн худалдаж авсан гэр бүлүүдийн гишүүдийн судалгааг харьцуулан бяцхан оршин суугчдынхаа насны ангиллыг дундажлан гаргаж ирсэн учраас нэг талбайд олон хүүхэд бөөгнөрөх асуудал үүсэхгүй. Нийт тоглоомын талбайн 9000 мкв бөгөөд 50%-ийн ачаалалтай тоглоно гэж үзвэл  талбайн зай хэмжээ, тоглоомын хүртээмжийн хувьд хангалттай хүчин чадалтай хэмээн бид тооцож байгаа юм.

Тоглоомын ертөнц болсон энэхүү цогцолборын ногоон байгууламж нийт талбайн хэмжээний 70%-иас багагүй байхаар төлөвлөгдсөн бөгөөд машины хөдөлгөөнөөс 6 метрээс багагүй зайтай байна. Нарны халхавч, стандартад нийцсэн зөөлөн шал, борооны ус зайлуулагч, гэрэлтүүлэг, хогийн сав, хоёроос доошгүй орц гарц хийж, гал унтраагууруудыг байршуулахаар төлөвлөж байна. Түүнчлэн тусгай хэрэгцээт хүүхэд тоглох тоглоомууд суурилуулахаас гадна асран хамгаалагчид хүүхдээ зайнаас хараад суух цэгүүдийг шийдэж өгөх юм. Аюулгүй байдлыг хангах үүднээс тоглоомын хүчин чадал, мэдээллийг тоглоомон дээр нааж, бусад аюулгүйн санамжуудыг зохих газарт нь тэмдэглээд өгөх учраас эрсдэл таны хүүхдээс холуур өнгөрнө гэдэгт та найдаж болно.

Манай хотхоны жаалуудын тоглох тоглоомууд Дани улсын KOMPAN болон Шведийн HAGS брэндийнх бөгөөд энэхүү хоёр брэнд нь тоглоомуудаа зохион бүтээхдээ загвар хийц, материал, зориулалт, хүчин чадал гээд бүхий л зүйлийг хүүхдийн нас насанд тохируулан мод болон сайн чанарын ганг хослуулан хийдэг гэдгээрээ дэлхийд алдартай. Гадаа талбайн тоглоом үйлдвэрлэлийн тэргүүн эгнээнд зүй ёсоор ордог дэлхийн алдартай брэндүүдтэй хамтарч ажиллаж байгаа тул бяцхан жаалууддаа хамгийн эрүүл, аюулгүй орчинг бид амлаж байна.

Хотхоны маань алаг үрс жаргалтай, аав ээж, эмээ өвөө нар нь налайсан амар амгалан орчин бол бидний        “Гэр бүл бүхнээс эрхэм” концепцийн үнэ цэн билээ.

 

Leave a comment